2010 സെപ്റ്റംബര് 16 ലോകമുഴുവനും ഓസോണ്ദിനമായി ആചരിച്ചു. നമ്മുടെ മാതാവായ ഭൂമി ഇന്ന് നേരിടുന്ന ഏറ്റവും വലിയ പ്രശ്നമാണ് ആഗോളതാപനം, അതിനെ തുടര്ന്നുള്ള കാലാവസ്ഥാവ്യതിയാനവും. ഇതില്നിന്ന് ഭൂമിയെ രക്ഷിക്കാന് മികച്ച ബോധവത്കരണം കുട്ടികള്ക്ക് നല്കാന് വേണ്ടി പോസ്റ്റര്പ്രദര്ശനവും സാമൂഹ്യശ്സ്ത്ര ക്ളബ്ബിന്റേയും സയന്സ് ക്ളബ്ബിന്റേയും നേതൃത്വത്തില് പ്രദര്ശനവും സംഘടിപ്പിച്ചു. ക്ളബ് അംഗങ്ങള് സജീവമായി ഇതില് പങ്കെടുത്തു. ഇതിലൂടെ കുട്ടികള്ക്ക് നമ്മുടെ ഭൂമിയെ സംരക്ഷിക്കേണ്ടതിന്റെ ആവശ്യകതയെക്കുറിച്ച് ബോധ്യപ്പെടുത്തുവാന് സാധിച്ചു. നമ്മുടെ ഭൂമി ഇന്ന് വളരെയധികം പാരിസ്തിതിക പ്രശ്നങ്ങള് നേരിടുന്നു. അവയില് ഏറ്റവും പ്രാധാന്യം അര്ഹിക്കുന്ന ഒന്നാണ് ആഗോളതാപനം. മനുഷ്യന്റെ
അമിതമായ ലാഭക്കൊതിയാണ് ആഗോളതാപനത്തിന്റെ പ്രധാന കാരണം. ഫാക്ടറികളില് നിന്നും മോട്ടോര്വാഹനങ്ങളില് നിന്നും പുറത്തുവിടുന്ന മാരകമായ
വിഷപ്പുകകള് ആഗോളതാപനത്തിന് കാരണമാകുന്നു. ഒപ്പം സി. എഫ്. സി, മീഥേന്, ഫ്രിയോണ് എന്നീ വാതകങ്ങളും ആഗോളതാപനത്തിന്റെ മുഖ്യ കാരണങ്ങളാണ്. ഇവയെക്കുറിച്ചും ഇവയെ ഇല്ലാതാക്കാന് ചെയ്യേണ്ട പ്രവര്ത്തനങ്ങളെക്കുറിച്ചും വിദ്യാര്ഥികള് ചര്ച്ച ചെയ്തു.
No comments:
Post a Comment